近年憑《愛·回家之開心速遞》的「三太白天娥」而深受觀眾歡迎的樊亦敏（Amy），原來她除了是圈中「隱形富婆」，經常出動私伙Hermès手袋拍劇外，樊亦敏本身亦有不少靈異經歷，在昨晚（3日）播出的《直播靈接觸》，樊亦敏分享了一個關於「性交轉運」的經歷。
相關閱讀：「三太」樊亦敏支持留港消費品嚐高級中菜 投資有道變富婆睇中4億獨立屋
樊亦敏分享關於「性交轉運」的經歷：
樊亦敏睇節目突然熄燈？
在節目一開始，樊亦敏分享了今次為何現身節目，她說：「嗰陣我咁啱放假，咁啱喺酒店睇到呢個節目，睇睇吓突然全間房嘅燈熄晒，咁我咪走去問酒店點解會熄咗燈，佢哋話可能個scaner有問題，如果佢scan到間房冇人會自己熄燈，但係我話間房有人喺度睇電視，跟住佢派咗個工程人員上嚟，佢係呆咗。到咗第二日，我同節目嘅writer講緊會講啲乜嘢，嗰陣係下晝2點幾，突然間啲燈又熄咗，可能有太多『朋友仔』睇緊，累積咗啲能量喺間房。」樊亦敏稱這種經歷我以前已經試過很多次，她續說：「我試過睇緊個節目，我心諗如果我唔使行埋佢，有人熄咗電視就好，點知唔使三秒就自己熄咗。之後我就話其實我係未睇完，你可唔可以開返？佢就真係開返！」
樊亦敏在分享了一個關於「性交轉運」的經歷，她說：「我冇權威性去講呢樣嘢，呢個係雙修，係密宗一個法，唔係普通人可以做，就算本身係密宗都唔會亂咁去做。我之前有個朋友，因為佢結婚初期有咗個BB，但係後期流產咗，所以精神一直唔係太好，咁佢接觸咗啲朋友，介紹咗一啲所謂嘅師傅畀佢識，仲同佢前世做咗啲嘢，唔係咁好，今生唔夠正能量，所以仔女同你無緣。嗰個師傅就話自己好多正氣，叫我朋友幾時幾日嚟佢個壇，幫我朋友作法，仲叫佢唔使同人講。」
樊亦敏早年北上發展賺到錢：
樊亦敏稱朋友如期到師傅的壇：「我朋友單人匹馬上去，去到師傅突然同佢講：『其實你都生得幾靚，咁後生有機會做呢樣嘢，但係如果要確保萬無一失，要搵個高人幫你做個法，我有個獨門方法可以向你注入陽氣。』嗰個師傅行埋去我朋友面前，叫佢使驚，其實點會唔驚，個電話又唔喺身邊，好彩其他人留意到我朋友個情緒好波動，又唔係好聽人講，跟住佢老公又出現咗。」
樊亦敏續說：「原來佢老公一直跟住個老婆，又打唔到老婆個電話，於是咪狂敲門，嗰個師傅無可奈何下唯有開門，佢老公一手扯返個老婆出嚟，我唔知最後佢有冇報警，所以大家喺情緒憂傷嘅時候，更加要警掦，因為有好多所謂嘅師傅，自稱係乜嘢都好，要靠佢嘅言行舉止去判斷可唔可以信賴。」
性交轉運師傅有報應？
梁思浩等戈再追問這個師傅有否報應？樊亦敏說：「據我所知，佢唔止一個人，因為我朋友介紹過幾個人去，有啲講出嚟，係做咗某一啲嘢，而呢個師傅走嗰陣係好辛苦，好多病，佢真係一個修行嘅人，用咗好多方法救自己，但係都唔得，因為個病而要喺張床上面先走到。種善恩得善果、令自己正能量多啲都係一個方法。」
樊亦敏為黃大仙弟子
其實樊亦敏多年前入道成黃大仙的弟子，不時往道堂幫手，為善信解答問題，有指樊亦敏入行後因免疫系統出現問題要周圍訪尋名醫，可惜仍未見好轉，在機緣巧合下，樊亦敏到了黃大仙道堂「愿誠園」求醫，並獲一名道長指點，在透過扶乩中得到黃大仙批出的乩文後，竟成功藥到病除。
其他文章：
「三太」樊亦敏戴假髮照曝光 因病脫髮近光頭 只為一件事堅持努力工作
婚後事丨三太樊亦敏貴氣Look神秘現身！隱形富婆常拎私伙Hermès拍《愛回家》
樊亦敏客製Hermès手袋盡顯尊貴地位 一身名牌睇天價樓堪稱圈中「隱形富婆」
----------------------------------
緊貼最新最快新聞資訊，請立即下載星島頭條App：https://bit.ly/3Q29Vow
