76歲何伯何太與五子女的「450萬爭產案」連日來在網上觸發了不少熱討，何太懶理因在粉絲群瘋狂爆家事而被網民圍剿喪鬧！繼續以網紅身份在網上玩直播開闢新賺錢渠道。日前帶何伯返鄉下陽江的何太，依然樂此不疲地與粉絲對話兼開直播！昨晚（5日）何太在粉絲群貼上已故何太遺物照片 ，結果何太的留言再度被圍剿喪鬧，今日再在微信影音號直播向網民挑機！
相關閱讀：何太為降低養老公成本回鄉投靠親戚？何伯疑要捱味精湯 大兜「軟飯」食到飽
何太「潑婦罵街」式網民對話：
何太貼上已故何太遺物照片被圍剿
何伯現身《東張西望》的初期，何太一身珠光寶氣，大晒何伯所送價值逾13萬元的2卡鑽戒，以及價值逾10萬的勞力士腕錶，其後再晒何伯所贈10萬元流星錘龍鳳鈪，轉個頭何太又轉口風，稱所戴的珍珠耳環原來都是A貨，只有珍珠頸鏈是自己以2萬多元在內地，何太又表示為了應付生活，已經將龍鳳鈪變賣。後來有網民戥何伯的亡妻不值，曾有傳何伯大仔斥父不曾送貴重物給亡母。昨晚（5日）何太在粉絲群貼上已故何太遺物照片並說：「這些都是何生亡妻剩下的，在佢細女保險箱。」有網民留言：「畀比仔女好正常，唔通送畀你咩！」亦有人說：「人哋亡妻東西都要爭取，只有一個字可以形容（貪）。」、「亡妻留低啲嘢都唔使諗喇！」、「亡妻遺物關後妻咩事？」不過有人覺得「亡妻不在理應歸現在的何太的。」何太深表認同：「是的，法律上是樣的。」還有人說：「應該爭取屬於自己的東西」，何太亦回覆：「何生也是樣說。」
何太不甘被網民圍剿喪鬧開直播回應
不甘被網民圍剿喪鬧，今日再在微信影音號直播回應事件，何太今次改口稱「已故的何太太」：「噚晚我同老睇相片，睇到喇，呢啲相係好耐，我咪分享一下，證明我先生對佢嘅前妻，佢嘅亡妻都好好，其實係冇乜意思，之前係有人認定佢對前妻唔好，嗰度係八両金，以而家啲金價嚟計，一両都2萬千幾，以前係平啲，我先生講佢過咗身嘅太太有一隻翡翠玉鈪都價值不菲。」在旁的何伯當然附和，他還說：「翡翠玉鈪喺骨灰罈，佢好鍾意咪一路陪住佢，有啲首飾喺我細女保管，我一定要攞返。」
何伯狂爆大仔私隱？
何伯稱不想比較但有意無意提及
雖然何太聲稱不想比較，但她依然多次有意無意地提及，有網民留言問「點解送咗畀人嘅嘢要攞返？」何太隨即扯火並以「潑婦罵街」的語氣說：「點解我先生送畀我啲結婚禮物，係自然送畀我，點解你哋要攻擊我？又話我呃又話我係騙子？」何伯稱亡妻的禮物並不是送給細女，只是「放喺佢度」，所以一定要取回，何太續說：「我從來唔會同人比較，係啲黑粉抹黑我哋，我哋先去澄清，我有叫佢返去啲仔女身邊，但係佢唔聽，寧願死我身邊，好心你哋明吓理。」
其他文章：
何太首次帶貨有沮滯？賬號被舉報18字回應 自爆已備孕3個月仍未有喜
東張西望丨何伯被何太湊返鄉下避風頭？打風拖兩大篋北上 狂爆子女私隱引爭議
「樂壇風紀」甄妮揚言罷看《東張西望》！揞名鬧爆何伯何太：敗壞社會風氣
東張西望丨何伯曾被子女警告收口？誓要令大仔「工都冇埋」 驚爆大新抱啞忍老公出軌
東張西望丨何太精通「骨場」術語？直播突爆兩字：落X 網民再質疑曾做「骨妹」
緊貼最新最快新聞資訊，請立即下載星島頭條App：https://bit.ly/3Q29Vow
