75歲許紹雄唔羨慕73歲李龍基有「嫩妻」：好辛苦㗎！銘記前輩教誨勿亂媾女玩死自己。
Previous Next

75歲許紹雄（Benz雄）於TVB劇《家族榮耀之繼承者》中與陳靜（Dada）演「老夫少妻」，咁啱何伯及其真愛日日都有新聞，網民樂於Follow瘋狂恥笑，Benz雄覺得「何伯之亂」命中注定，更爆笑認為何伯可能鍾意煩。另外，他一直對老婆呵護備至，零歪念，皆因他銘記前輩的「牛奶論」，即想飲牛奶唔一定要養隻牛，去買就可以。對於相識多年73歲李龍基有「嫩妻」陪伴，Benz雄一啲都唔羨慕，更笑他「捉蟲」（即自己攞嚟衰）。採訪：方騫平 攝影：羅安強

75歲許紹雄好快樂，又享受工作，完全唔諗退休。
75歲許紹雄好快樂，又享受工作，完全唔諗退休。
許紹雄有開心人生。
許紹雄有開心人生。
許紹雄教天下男人飲「牛奶」唔使養隻牛。
許紹雄教天下男人飲「牛奶」唔使養隻牛。
許紹雄自稱呃飯食呃咗幾十年。
許紹雄自稱呃飯食呃咗幾十年。
許紹雄認為前輩的「牛奶論」終身受用。
許紹雄認為前輩的「牛奶論」終身受用。

許紹雄在新劇中跟35歲的Dada有唔少甜蜜互動場口，老夫少妻好鬼冧豬！問到面對性感女神有冇被電暈？Benz雄答得風趣：「哎呀！我視力正常冇黃斑病，後生女個個都會望多兩眼啦，不過，佢就電我唔到，我成日搞笑，只係搞到佢忍唔住笑。同後生女合作，我哋冇代溝，都OK。」

TVB劇《家族榮耀之繼承者》中與陳靜（Dada）演「老夫少妻」。
TVB劇《家族榮耀之繼承者》中與陳靜（Dada）演「老夫少妻」。
許紹雄、陳靜有好多甜蜜互動場口。
許紹雄、陳靜有好多甜蜜互動場口。
許紹雄哄得Da Da成日笑。
許紹雄哄得Da Da成日笑。
許紹雄和Da Da冇代溝。
許紹雄和Da Da冇代溝。
近年許紹雄戲中嘅另一半，Da Da算係最年輕一位。
近年許紹雄戲中嘅另一半，Da Da算係最年輕一位。
戲中許紹雄好enjoy娶「少妻」。
戲中許紹雄好enjoy娶「少妻」。
許紹雄飾演看淡權力及名利的丘家大兒子守仁。
許紹雄飾演看淡權力及名利的丘家大兒子守仁。
有指戲中羅嘉良比許紹雄更老貌。
有指戲中羅嘉良比許紹雄更老貌。

阿佘上完契先同老婆講

Benz雄因為佘詩曼而接拍此劇：「總監製梁家樹搵我時仲度緊期，阿佘就補咗個電話嚟，話『我做你個女喎！你仲唔答應？』咁我梗係想佢做我個女啦，我哋早已有父女嘅感覺，有啲嘢好奇妙，人與人之間要講緣份。拍劇前，我突然向佢提出『不如我哋上契咯？』佢秒答話好！我哋契完先同老婆、囡囡講，佢哋都讚好。」問會否擔心被外間錯誤解讀「契女」兩字？Benz雄強調冇有怕，「我哋有正式上契㗎！佢係我第一個契女。哈…我哋呢啲唔係李龍基同何伯嗰啲。」語畢，Benz雄即戴返頭盔：「佢哋呢啲都係正經嘅。」

戲裡戲外跟阿佘關係好好，更上埋契。
戲裡戲外跟阿佘關係好好，更上埋契。
兩人同阿佘都有對手戲。
兩人同阿佘都有對手戲。
拍《使徒行者》時兩人已好老友。
拍《使徒行者》時兩人已好老友。
阿佘49歲生日會，契爺Benz雄係席上客。
阿佘49歲生日會，契爺Benz雄係席上客。
Benz雄愛女許惠菁及契女阿佘英文名都叫Charmaine，齊跟子華神茶聚。
Benz雄愛女許惠菁及契女阿佘英文名都叫Charmaine，齊跟子華神茶聚。
《絕代商驕》三人組再合體！
《絕代商驕》三人組再合體！

飲「牛奶」唔使養隻牛

講到相識多年的李龍基，Benz雄欣賞對方好犀利，「以前拍戲同佢吹水，佢話『一晚走幾場，啲錢一路係咁塞落佢個袋！』哎呀！有啲咁好命嘅人。」追問會否佩服基哥身邊一直有咁多後生女？Benz雄表示對呢方面冇了解，但坦言唔係好事：「其實呢啲係苦命，好辛苦㗎！仲乜做到自己咁辛苦啫？第日見到會同佢講『捉蟲』。」Benz雄好記得年輕時，曾被前輩提點：「唔使起牛棚養牛飲牛奶咁笨，鍾意飲奶可以隨意去便利店買，日日飲唔同牌子都得，你話幾方便呢？當然唔好亂飲牛奶啦，但要飲咪去便利店囉，『牛奶論』亦成為婚姻座右銘。」至於被全城圍插的「何伯事件」，Benz雄冇話支唔支持，同樣認定係命水：「命中注定怨不得！可能呢啲係佢福份，到好攰時咪要承擔個攰囉，我唔係用老人家角度睇，只係覺得唔好搵啲咁複雜嘅嘢搞，明知搞落去會好煩，咁搞嚟做乜？我好懶唔好煩我，但每人性格唔同，可能何伯鍾意複雜呢？」

許紹雄以「捉蟲」形容73歲李龍基跟36歲王青霞的關係。
許紹雄以「捉蟲」形容73歲李龍基跟36歲王青霞的關係。
李龍基、Chris係「捉蟲」情侶。
李龍基、Chris係「捉蟲」情侶。
「何伯之亂」曾是城中熱話，但已被網友嫌棄。
「何伯之亂」曾是城中熱話，但已被網友嫌棄。
「何伯之亂」熱度漸減。
「何伯之亂」熱度漸減。
何伯及新何太不停發功。
何伯及新何太不停發功。

自稱呃飯食呃咗幾十年

Benz雄與新加坡籍太太龍嬿而結婚32年，26歲高才生愛女許惠菁啱啱出嫁，而繼子又做埋爸爸，Benz雄相當滿足：「有孫女抱又多咗半邊仔，𠵱家同個女及女婿一齊住，囡囡會港、星兩邊走，繼子喺澳洲，佢哋都好孝順。」雖然Benz雄仔大女大生活無憂，但卻無意退休，他非常抗拒：「千祈唔好諗，諗嗰個死嗰個，做人要有寄托，𠵱家幾開心，開工有錢收又有得玩，唔好做得咁辛苦咪得囉。」另外，Benz雄背景好猛料，祖先為廣州4大鹽商之首嘅許拜庭，太公許應騤官居一品，係慈禧太后的重臣，姑婆為中國近代作家魯迅夫人許廣平。對此，他笑說：「佢哋係勁人，我呢啲冇得比，我睇書會瞓著，睇劇本就叻。不過，又唔會有壓力嘅，托賴喺演藝上呃到啲人，我成日同人講『呃飯食幾十年，求求其其又搞掂。』有時睇返啲演出，都會嫌唔夠完美。」

許紹雄好錫妻女。
許紹雄好錫妻女。
Benz雄跟老婆、女兒及女婿相處和睦。
Benz雄跟老婆、女兒及女婿相處和睦。
Benz雄和老婆、女兒及繼子睇楊千嬅演唱會。
Benz雄和老婆、女兒及繼子睇楊千嬅演唱會。
演戲大半世紀的Benz雄，演藝成就獲觀眾認同。
演戲大半世紀的Benz雄，演藝成就獲觀眾認同。
10年前許紹雄奪得「最受歡迎電視男角色」獎後，興奮地錫司儀鄭裕玲的手。
10年前許紹雄奪得「最受歡迎電視男角色」獎後，興奮地錫司儀鄭裕玲的手。
「冬舅父」Benz雄於《新絷師兄》續集中跟周潤發及梁朝偉合作。
「冬舅父」Benz雄於《新絷師兄》續集中跟周潤發及梁朝偉合作。
魯迅長孫周令飛係Benz雄表弟。
魯迅長孫周令飛係Benz雄表弟。
Benz雄嘅「冬舅父」於《新絷師兄》深入民心。
Benz雄嘅「冬舅父」於《新絷師兄》深入民心。
跟劉青雲拍《暗戰》。
跟劉青雲拍《暗戰》。
和郭晉安拍《隔世追兇》。
和郭晉安拍《隔世追兇》。
愛女許惠菁係高才生。
愛女許惠菁係高才生。
計紹雄打本畀愛女喺新加開cafe。
計紹雄打本畀愛女喺新加開cafe。
囡囡cafe在港與品牌合作，許紹雄不少好友亦有現身撐場。
囡囡cafe在港與品牌合作，許紹雄不少好友亦有現身撐場。
2019年許紹雄為妻女在新加坡購4千呎屋。
2019年許紹雄為妻女在新加坡購4千呎屋。
許紹雄唔介意送物業畀愛女。
許紹雄唔介意送物業畀愛女。
許紹雄囡囡和女婿。
許紹雄囡囡和女婿。
許紹雄唔係呷醋外父。
許紹雄唔係呷醋外父。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow