踏入租賃旺季，多區陸續出現搶租情況，除了大圍及將軍澳等地區獲內地生搶租外，元朗代理亦指「YOHO圈」大受小型家庭歡迎，甚至有屋苑出現零租盤情況！雖然YOHO各期屋苑屬同系，但受歡迎程度及租金都截然不同，其中一個屋苑即使月租平3,000元，但因樓齡較舊，加上要行多5分鐘步程才到港鐵站，所以較難打動到租客。
代理：好多即日放 即日租出
近日租賃市場進一步升溫，尤其位處鐵路站上蓋的屋苑最為搶手，當中YOHO Hub及Grand YOHO深受家庭客追捧，租盤十分短缺。其中YOHO Hub目前出現零租盤情況，Grand YOHO亦僅兩個租盤，代理更表示「有好多即日放，即日租出」。
直擊Grand YOHO罕有租盤
中原地產王勤學表示，Grand YOHO於6月錄得多宗租賃成交，包括8座高層G室，面積543方呎，兩房間隔，月租叫價1.9萬元，放盤兩日即以1.85萬元租出，實用呎租34.1元。新租客為一對夫婦，眼見市場租盤十分短缺，加上單位內櫳企理，所以即睇即租。而業主於2017年以約864萬元一手買入單位，租金回報約2.6厘。
代理指出，現時屋苑僅兩個放租，其中一個位於1座高層A室，面積498方呎，為兩房間隔，叫租1.8萬元，由照片所見，單位景觀開揚，可遠望山景，單位內裝修新淨，更設大型儲物櫃，方便租客收納。
大量巴士路線 來往內地方便
事實上，「YOHO圈」屋苑一直深受歡迎，主要是因為有大量巴士路線出入九龍，來往內地關口亦方便，當中以Grand YOHO比較鄰近港鐵站及大型商場，交通起居更便利。
另一邊廂，樓齡較大的YOHO Town租金更相宜，兩房月租1.5萬元起，但由於屋苑步行往商場及港鐵站均較Grand YOHO多5至7分鐘步程，所以即使租金相差3,000元，對租客的吸引力仍不大。
其他新聞：
北角人搬元朗貪2大好處 網民意見兩極 區內新商場快開幕 街坊：上深圳玩仲吸引
YOHO圈發展逾20年帶旺元朗樓 直擊上車盤YOHO Town 叫價較高位回落近25％丨區區睇樓
———
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊 https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
