筲箕灣一名99歲姓陳婆婆在寓所內晾衫時疑失重心墮樓，傷重不治。據家人表示，陳婆婆身體健壯，平日早上會行山晨運，又會煲補湯及食保健品養生，下周更100歲生日，家人準備替她舉辦百歲宴慶祝生日，詎料今日發生慘劇，「佢年紀大要走都唔係問題，但點解會咁樣走，我哋都好無奈，真係好難過，佢應該係好風光㗎嘛」。
陳婆婆原本獨居上址單位，兒子及媳婦見她年紀漸大，遂於6年前搬入同住，以便照顧。陳婆婆的媳婦表示，婆婆平日身體健壯，有自理能力，沒有長期疾病，平日會飲滋補湯水養生，又會進食營養粉及蛋白粉等保健食品，每日早上6時更會出門行山晨運，大約4小時後回家，「你話佢成百歲都無人信呀。一般6、70歲都唔夠佢行得快呀」。
相關新聞：筲箕灣東駿苑99歲婆婆晾衫 失足墮樓不治
日前端午節，陳婆婆食糉應節，但吃了不少糉而消化不良，需食粥調理，媳婦指婆婆曾「有少少手軟腳軟」，但昨日已回復正常未有大礙，而事發時家中只有婆婆一人，估計她在房間內準備晾毛巾時失足墮樓，「我哋無窗花，之前話諗住裝窗花，但佢唔肯，話裝咗之後會晾嘢辛苦，咁就無裝啦」。
媳婦更透露婆婆下周100歲生日，全家人計劃替她舉辦百歲壽宴，詎料今日發生慘劇，感到非常難過及痛心，「佢年紀大要走都唔係問題，但點解會咁樣走，佢應該係好風光㗎嘛」。
事件發生於今日（18日）下午2時06分，一名99歲姓陳女住戶由筲箕灣東駿苑銀駿閣的高處墮下，倒臥大廈對開位置，奄奄一息，救護員接報到場檢驗後，證實婆婆當場不治，警方經調查後相信她在單位做家務期間意外失足墮下慘死。
---
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
