張鳳妮謹記契媽傳授對抗「小三」錦囊：冇人撳鐘唔好開門 分享穩坐大馬豪門人妻心得。
Previous Next

55歲前港姐張鳳妮(鳳梨) 1997年下嫁大馬富商傅仰峰，相夫湊女息影28年。直至3個寶貝女陸續升上大學才久休復出，拍TVB新劇《家族榮耀之繼承者》去打發時間。嫁得好嘅張鳳妮雖然唔排除老公會有女人埋身，但27年來豪門少奶奶地位仍穩如泰山，她公開分享被老公及奶奶錫到燶心得：「有啲嘢唔應該知道嘅時候，就要扮聾扮盲扮啞！」採訪：方騫平 攝影：朱偉彥

55歲張鳳妮有媽媽白滑基因，所以保養得宜。
55歲張鳳妮有媽媽白滑基因，所以保養得宜。
張鳳妮有凍齡能力。
張鳳妮有凍齡能力。
穩坐大馬豪門人妻27年，作風低調。
穩坐大馬豪門人妻27年，作風低調。
多年來她以家庭為重。
多年來她以家庭為重。
張鳳妮係賢妻良母。
張鳳妮係賢妻良母。

張鳳妮再拍TVB劇集獲網民大讚演技大爆發，尤其羅子溢主動認返佢係親母時，鳳梨上演嘅「喜極而泣五連環」表情超正。張鳳妮開心被觀眾認同演技，因為內心掙扎戲唔易演，表面上做到「人畜無害」受人同情，內裡係「機心二房」。

含淚演出。
含淚演出。
表情多多。
表情多多。
劇中有唔少內心戲。
劇中有唔少內心戲。
張鳳妮內裡係「機心二房」。
張鳳妮內裡係「機心二房」。
演技七情上面。
演技七情上面。
劇中角色表面上做到「人畜無害」受人同情。
劇中角色表面上做到「人畜無害」受人同情。
劇中不停扮好人。
劇中不停扮好人。
原來早已為親生仔鋪好後路。
原來早已為親生仔鋪好後路。

怕被彈會打爛「齋砵」

她自爆拍完後曾忐忑：「以前喺TVB嗰10年畀人話唔係靚女唔屬偶像派，好驚28年後被彈戲屎被打爛實力派『齋砵』。老公話『有信心咪玩吓囉！』支持我復出，卻附加一句『如果俾人哋彈做得唔好，唔止會令人失望，你個心都會唔開心…自己諗諗啦。』不過，講到底老公怕我煩，要佢陪食晏，補充句『𠵱家3小朋友都長大晒，你冇嘢做日日跟我返Office就唔好喇，你都係去玩吓先啦，玩得開心啲，一年一次好啦。』」

《他來自江湖》 為了追萬梓良，不惜犧牲色相。
《他來自江湖》 為了追萬梓良，不惜犧牲色相。
當年算係幾大膽。
當年算係幾大膽。
當年張鳳妮走實力派路線
當年張鳳妮走實力派路線
張鳳妮演出《他來自江湖》唔怕被醜化。
張鳳妮演出《他來自江湖》唔怕被醜化。
《餐餐有宋家》有黃𨥈瑩、古天樂等演出。
《餐餐有宋家》有黃𨥈瑩、古天樂等演出。
張鳳妮當年受捧。
張鳳妮當年受捧。
1997年跟劉玉翠演完《苗翠花》後離開TVB。
1997年跟劉玉翠演完《苗翠花》後離開TVB。
曾跟宣萱、鄧兆尊、林偉、黃𨥈瑩、盧宛茵等演出《餐餐有宋家》。
曾跟宣萱、鄧兆尊、林偉、黃𨥈瑩、盧宛茵等演出《餐餐有宋家》。

大男人主義好難頂

張鳳妮做大馬豪門人妻27年，她卻唔敢話自己係嫁得好：「係我自己睇得開啫，大馬嗰邊啲人好大男人主義，啱啱嫁過去時，喺外出食飯男一枱；女一枱，初期好唔慣，自然地坐埋去老公度，老公卻話『成枱都係男人，唔通得你一個女人咩，我阿媽都係坐隔籬，你我坐返過去奶奶嗰邊啦。』有時佢夜晚收工返到屋企，會拍醒我話『好餓，老婆整個麵嚟。』咁我咪起身幫佢煮宵夜。其實佢都錫我嘅，只係當地風氣問題。」

1997年下嫁細她7歲嘅大馬富商傅仰峰。
1997年下嫁細她7歲嘅大馬富商傅仰峰。
當年在港擺婚宴。
當年在港擺婚宴。
同屆亞軍係「電眼美人」李美鳳，當年被譽為最高質港姐。
同屆亞軍係「電眼美人」李美鳳，當年被譽為最高質港姐。
着性感泳衣嘅鳳梨係87年港姐「最受佳麗歡迎獎」得主。
着性感泳衣嘅鳳梨係87年港姐「最受佳麗歡迎獎」得主。
張鳳妮好有人緣。
張鳳妮好有人緣。
得獎實至名歸。
得獎實至名歸。

謹記扮聾扮盲扮啞

老公有錢有面，問到可會有女埋身？她竟坦言：「任何一個國家，就算有冇錢係咪靚仔，(埋身)女人一定有，睇吓個男人點樣handle，有啲忍唔住受誘惑；有啲會自我提醒已有老婆，so far我唔知有冇啦，但我冇聽過亦冇發現到啲乜！總之佢返到嚟做到應做嘅嘢，會尊重我，係我要嘅嘢囉。」契媽曾教鳳梨穩坐豪門闊太心得：「佢話有時候要扮聾扮盲及扮啞，冇(女)人撳你個鐘唔好自己去開門，佢(老公)對你冇嘢，唔係對你唔好，唔係不負責任就OK…有啲嘢唔應該知道嘅時候就唔好知，我跟住做自自然然咁過咗20幾年，人哋冇嚟撳我鐘咪算囉，不過，如果人哋踩到埋嚟，我又唔會唔還拖。」同時，鳳梨相信夠做到一位好媽咪，好老婆及好新抱，老公一定會感恩，唔會行差踏錯拆散大好家庭：「咁多年我真係落手落腳煮飯㗎；接送仔女返學、參與家長義工會…所以奶奶好錫我，而且我好有分寸，唔會發癲咁買嘢，咁都會買衫及名牌包包嘅，give and take，但冇需要炫耀。」

多年來鳳妮悉心照顧老公、長女Emily、次女Ashleigh和細女Ally。
多年來鳳妮悉心照顧老公、長女Emily、次女Ashleigh和細女Ally。
3女已陸續升讀大學。
3女已陸續升讀大學。
母女關係親密。
母女關係親密。
餅印母女。
餅印母女。
鳳梨每月會返港一次探望家人，乘機和舊同事聚會。
鳳梨每月會返港一次探望家人，乘機和舊同事聚會。
鳳梨想家人食得好，親力親為下廚。
鳳梨想家人食得好，親力親為下廚。
每周煮足幾餐。
每周煮足幾餐。

她強調，當日唔係抱住嫁個有錢人心態，搵對象要有感情基礎：「否則就算日日買3個名牌包包，但每晚要對住枕邊嘅人都唔會開心。」至於夫妻關係如同跳舞，大家要有進有退：「初嫁去大馬會有公主脾氣，老公會忍讓我多啲；有咗囡囡後夫妻忍讓程度各佔一半；到佢40歲，感激對方為頭家奔走會讓返佢；𠵱家自己更年期脾氣好難頂，會熱到開大冷氣，甚至趕老公出房，仲會有強迫症，老公係會就返我嘅。」

契媽提示張鳳妮穩坐豪門少奶奶錦囊。
契媽提示張鳳妮穩坐豪門少奶奶錦囊。
大馬豪宅好寛敝。
大馬豪宅好寛敝。
返港參加契媽生日宴。
返港參加契媽生日宴。
遇上劉青雲夫婦。
遇上劉青雲夫婦。

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow