蘇格蘭上賽面對瑞士，由麥湯米尼取得入球，與對手最終打成1:1。AP
歐國盃嚟到分組賽第三輪，A組形勢相當明朗，蘇格蘭及匈牙利將會對碰，兩隊都寄望贏波，方可保住小組賽出線資格。
蘇格蘭上場被主辦國德國大炒5:1，幸好並無完全洩氣；第二場面對瑞士，由麥湯米尼取得入球，及後被對方逼和，只得1分，更可惜嘅喺比賽中段後衛基蘭泰亞尼因傷退陣，相信今場未能出戰。
匈牙利暫時兩場全敗無分在手，球隊太過倚重蘇保斯拉爾及路蘭沙拉爾嘅個人技術，獨力難支。而一向擅長對付強隊嘅匈牙利，今仗將會對住做開反擊嘅蘇格蘭，未知今場取態如何，但兩隊只要今場贏波就有望翻身，相信不會放軟手腳。 佩芝
