鄭伊健《HERE & NOW EKIN IN CONCERT 2024 LONDON》於當地時間7月6日晚上，在英國倫敦Eventim Apollo舉行。現場仿如「大型K房」，無論他唱出冧歌《一生愛你一個》、《感激我遇見》，還是《極速》和《自動勝利Let’s Fight》等快歌，甚至《友情歲月》，全場觀眾都跟着大合唱。適逢開騷當日舉行歐洲國家盃賽事，伊健說：「我第一次英國開騷，好難得，多謝你哋選擇唔睇波，嚟睇我演唱會！」
鄭伊健在英國倫敦Eventim Apollo舉行演唱會。
伊健睇嚟被fans感動得眼濕濕。
被台下歌迷的手機燈打動3度眼濕濕。
適逢開騷當日舉行歐洲國家盃賽事，伊健說：「我第一次英國開騷，好難得，多謝你哋選擇唔睇波，嚟睇我演唱會！」
伊健演唱多首經典作品《Beautiful Day》、《吻感》、《心照》、《發現》和《我的歌》等。
鄭伊健
伊健唱情歌，冧爆一眾歌迷。
又近距離與歌迷握手。
鄭伊健倫敦演唱會。
伊健演唱多首經典作品《Beautiful Day》、《吻感》、《心照》、《發現》和《我的歌》等，都出自填詞人黃偉文（Wyman）手筆。
伊健說：「其實佢寫咗好多歌畀我，但呢首歌好特別，叫做《新歌》。」
他又指當時是低潮期。
全場High爆！
鄭伊健
全場觀眾都跟着伊健大合唱。
鄭伊健與演唱會團隊。
鄭伊健與演唱會團隊。
伊健演唱多首經典作品《Beautiful Day》、《吻感》、《心照》、《發現》和《我的歌》等，都出自填詞人黃偉文（Wyman）手筆，當晚他亦是座上客，伊健說：「其實佢寫咗好多歌畀我，但呢首歌好特別，叫做《新歌》，我唔知大家有無聽過，因為嗰陣時我低低地潮，有新作品都未必咁多人知道。當年我睇歌詞問咩係『新嘅我』？嗰陣時理解能力有限。但今日攞返首歌出嚟，先發現首歌唔係講我，係講一個人生。」唱罷，伊健更被歌詞感動眼濕濕，需整頓情緒後才唱出演唱會最後一首歌《Together》，他說：「做人要開心啲！」舞蹈員帶埋幾袋crew tee「手信」出場，與伊健一齊拋入觀眾席，全場興奮站起來，非常熱鬧。
完場歌迷不散場，狂叫Encore後，伊健再度出場唱出《動地驚天愛戀過》，看到台下歌迷全部站起來揮動手機燈，他又再眼濕濕更一度哽咽，他說：「所有歌真係唱晒，導演叫我出嚟唱多首歌。點都好，多謝你哋，無離開，Thank You！我演唱會有個特點，就係希望大家開心，所以點都要加多隻歌。希望大家開心咁離開呢個地方，記得我哋今日聚過，希望後會有期。」最後，他以《你的我》為倫敦站劃上完美句號。
