銀主盤數量持續增加，除了豪宅、藍籌屋苑，以至居屋公屋外，拍賣場上亦不時出現另類放盤。忠誠拍賣行下周三將舉行拍賣會，當中梅窩一個極殘無契盤因破爛狀況引起網民討論。
單位為銀運路2號家樂閣B座5樓1室，實用面積378平方呎，2房間隔，外接393平方呎天台。因內籠相當殘舊，且屬法院令物業兼無契樓，開價為161.7萬元，且一開即售，呎價約4,278元。
據拍賣行上載的影片及照片可見，單位窗外景色開揚，客廳及天台均可望海景。不過室內石屎嚴重剝落，天花亦有大面積鋼筋外露，可見有明顯漏水，至於地上同樣滿佈石屎及磚頭。
即睇極殘無契盤：
有買家165萬入手即後悔撻訂
據了解，單位因原業主拖欠管理費及維修費，而被業主立案法團向法院申請收回作拍賣；惟室內大量石屎剝落，且相當殘舊。
翻查資料，單位於去年底亦曾於該行作公開拍賣，當時開價同為161.7萬元，並獲2組買家爭購，最終以165萬元售出，呎價約4,365元。不過代理稱，該名業主後來撻訂，令單位無法成交，故現時重新推出拍賣。
單位於網上討論區引起熱議，有網民形容單位猶如廢墟，即使裝修過後亦不會安全，「廢墟咁，連天台即係熱到爆， 邊個要」、「露哂鋼筋，怕唔怕過多幾年成個天花樓板跌落嚟」、「依個單位直頭危樓級數，維修同日後保養開支天價」、「就算10萬都唔好買」。有網民表示單位位於梅窩，交通比較不方便，裝修成本將會更高，「梅窩搵人裝修貴幾多成」、「依度梅窩嚟，至少要mark高20%啦」。
另外有網民指出，單位沒有樓契，而且需要「Full-pay」，在現時新盤市場普遍大幅劈價下，直言「加多少少買黃金海灣好過」。
延伸閱讀：專家教路買銀主四大注意位
銀主盤可算是拍賣活動出場率最高的物業種類，一般淪為銀主盤的常見成因主要是業主因財政問題而斷供或因高成數按揭未能轉按，無力支付高息而放棄供樓等。每個平價盤背後都有不同狀況，所以必需了解物業情況才出手競投，環亞物業拍賣行董事總經理區蘊聰提醒，要留意當中涉及的小風險。
他指出，大部份銀主盤交易不能踢契，所謂踢契是指買賣雙方在簽妥臨時買賣合約或正式協議後，賣方必須提交樓契等文件，證明物業業權良好。如賣方律師未能在合理期限前就業權提問作出完滿解答，即或被視作違反了簽訂協議。
另外，他提醒買家，「就算物業再平再筍都好，最好都要去視察一次單位先。萬一有潛建，例如平台潛建到成個行宮咁樣，呢啲情況就可能影響到按揭，因為如果單位有僭建唔係間間銀行肯接受。」
相關文章：
上水公屋銀主盤驚見敘利亞風 批盪剝落磚牆外露 叫價130萬 網民：型但好似唔利風水
