7月15日，大致多雲，有幾陣驟雨，初時部份地區兩勢較大及布狂風雷暴。美股上周公布嘅經濟數據，加上鮑爺喺聽證會放鴿，令市場相信美國最快會喺9月啟動減息周期，刺激美股上升。一周累計，道指升1.6%；標指跟納指分別升0.9%及0.3%。由於本周美國並未有重要經濟數據公布，市場焦點將集中留意業績，其中Nvidia季績成為重中之重。而AI概念股嘅季績如ASML及台積電等，亦為市場焦點。除了科技股外，金融股亦繼續有重磅股公布季績，包括高盛，摩根士丹利，美國銀行等。至於其他藍籌，則有強生，美國運通，聯合健康及Travelers保險等。
美國上周公布6月消費物價指數（CPI）錄得0.1%按月跌幅，係4年來首見。連同此前公布嘅美國就業數據，消息牽動美國聯儲局減息揣測升溫，利好美股。而本周只有上月零售銷貨值數據較值得關注。
美國總統選舉將左右市場情緒
不過美國總統選舉亦將左右市場情緒，尤其特朗普於周末期間遭槍擊，大難不死，更能團結共和黨，共和黨將於本周舉行黨代表大會，正式宣告特朗普成為總統候選人。經過侵侵與拜登舉行首場辯論後，侵侵支持度本已較拜登高，經過槍擊一事，侵侵幾乎已大半隻腳踏入白宮。
至於港股上周終於打破悶局，全周以大陽燭上升結束，一周累計升近500點或2.77%，重越萬八大關。除咗鮑爺放鴿，加上阿爺再出手維穩，收緊沽空A股，上證亦終止八周連續跌勢。不過恒指兩日急升822點後，於上周五晚ADR及夜期回吐逾百點，今日黑期跌幅相若。預期恒指低開，料於20日線17920及萬八水平有支持。而上周五留下17864至18020上升裂口，短線或先於18000至18300水平上落整固，如三中全會期間，再有利好市場消息，如不回補裂口，則有望挑戰18500至18700區域。相反，裂口迅速回補，並未能重返18000企穩，而本周三中全會結束後，亦見見任何令市場滿意政策公布，港股隨時打回原形。
至於美國總統選情，令侵侵重返白宮勝算大增，佢已明言若當選將大幅調高關稅，所以中港股市表現一直落後，市場亦已一定程度反映，槍擊案發生增加侵侵勝算，亦未必會令今次港股反彈構成太大影響，反而三中全會有否更多利好政策先係中港股市能否持續反彈嘅關鍵。
古天后
