港姐冠軍莊子璇（Hilary）、亞軍王怡然（Lynn）、譚輝智、梁浩賢今日出席於屯門舉行的「仁愛堂流動中醫醫療車服務開展典禮」，Hilary最近忙於拍攝無綫新劇《金式森林》，飾演郭晉安女兒，首次拍劇的她坦言最初感到大壓力，第一日開工如像機械人般不知怎樣做，必定有NG。她有請教郭晉安，在對方身上獲益良多，她說：「佢一開口就似個角色，我問佢點樣演？佢教我唔好心急，慢慢練和學習，就會學到好多技巧，漸漸會進步。最初擔心接唔到佢啲戲，但原來係唔會，因為見到佢連眼神都有戲，自己自然會投入角色。」Lynn也希望有機會拍劇，等待公司安排，甚麼都想試。
Hilary最近忙於拍攝無綫新劇《金式森林》。
港姐莊子璇、王怡然。
莊子璇、王怡然、譚輝智、梁浩賢出席《仁愛堂流動中醫醫療車服務開展典禮》。
莊子璇係有潛質演員。
郭晉安眼神都有戲。
至於《中年好聲音2》亞軍譚輝智剛從新加坡旅行返港，表示首次一家四口外遊，偕同3歲和5歲的子女，加上負責拿行李，體力虛耗，旅行並非叉電，反而比工作更辛苦。輝智表示這年工作忙碌，已被女兒詐型，所以百忙之中抽時間陪家人作補償。
譚輝智、梁浩賢今日出席活動。
新秀出身的梁浩賢知道有同屆新秀好友已報名參賽。
譚輝智幾忙都會陪子女。
輝智啱啱陪妻兒子女出外旅遊。
談到《中年好聲音3》快將截止報名，新秀出身的梁浩賢表示很多同屆新秀好友已報名參賽，當中更是全球華人新秀歌唱大賽冠軍得主。輝智表示也有幾位親戚參加，很多家族成員都是唱得之人，笑說：「佢哋講笑話『咁你都得，所以報名參加。』（會否分享心得？）冇心得，唔好學我啲衰嘢就得。」輝智又指家族成員表演慾好勁：「我個姪喺加拿大參加唱歌比賽，好唱得，不過唔會來港參賽。」
參加《中年好聲音2》令譚輝智得益良多。
譚輝智好有表演慾。
譚輝智爸爸都愛唱歌。
