前「新聞女神」麥詩敏揭多年受性騷擾出書分享8年主播生涯秘史丨獨家

31歲前TVB「新聞女神」麥詩敏(Gloria)因為報導「中東呼吸綜合症」新聞狂食螺絲而「一舉成名」，趁今年書展她推出處女著作《新聞主播工作實錄》，分享8年主播生涯嘅血淚史，記載着過臭狐衫、被癡漢追蹤返屋企嚇餐懵等經歷，不過以上嘅事只屬冰山一角，不能盡錄嘅秘史，最爆嘅原來多年來收過逾百個性騷擾短訊，甚至有樣、有特寫性器官，極為變態。採訪：方騫平場地：雪園壹號

Gloria喜歡寫自己故事。

Gloria晉身才女。

Gloria喜歡執筆寫故事。

Gloria處女著作《新聞主播工作實錄》。

畢業科大工商管理嘅麥詩敏染指新聞界係由爸爸鼓勵，Gloria爸爸麥振江來頭不少，係周潤發、任達華第3期TVB藝訓班同學，更加做過港台《警訊》主持人。一年前Gloria離職，希望趁年輕挑戰更多範疇。

麥詩敏爸爸麥振江係前港台《警訊》主持人。

麥振江育有一子一女。

麥振江大女麥詩敏曾貼出童年與爸爸的合照。

麥振江主持《警訊》長達15年，是任期最長的主持。

麥振江到書展撐囡囡。

除爸爸麥振江外，鄧英敏、麥包等都有來支持。

畢業科大工商管理嘅麥詩敏染指新聞界係由爸爸鼓勵。

捱通宵狂食螺絲

喜歡執筆寫故事的Gloria今年4月應邀出書，新書分「由零開始」、「高山低谷」、「廠外的世界」、「海闊天空」4個章節，如同寫日記，回憶8年主播生涯及拆解鏡頭後秘密。主播生涯有過最抑鬱階段：「入行頭一年做『全通』，通宵更由凌晨12時直踩到早上7時，日夜顛倒特別容易打亂女仔生嘅理時鐘，因為狀態唔好，錄影時變本加厲係咁食螺絲，不停重錄(當年有錄播部份)阻到同事收工，咁自然會唔多高興，『垃圾』兩字明顯掛喺面容上，咁我梗係有hard feeling，好崩潰，仲衍生咗『中東呼吸…中吸呼吸綜合症…』食螺絲事件。」多年後嘅今日，Gloria已唔再避忌重提傷疤，但當時就嚇到成個人震晒：「我讀咗3/4次都係錯，越急變越亂，事後好驚被老細『照肺』甚至嚴重被炒；俾爸爸怪責，翌日返到公司都唔敢抬頭，結果佢哋冇鬧我，反而一覺醒來被網民瘋狂抨擊，留言『讀到咁㗎』、『好唔專業』、『唔好做啦』後來老細要求我『脫產』再培訓。其實冇得被做日更新聞主播，持續一年『全通更』，對主播嚟講係種大懲罰，亦激發我要奮發圖強努力讀稿，終能變身高級主播。」

Gloria着套裝短裙做直播。

捱咗一年通宵更令Gloria壓力爆煲。

Gloria曾因一句「中東呼吸綜合症」口誤，成為其標記。

曾經因為一句「中東呼吸綜合症」的口誤而一炮成名。

後期麥詩敏變得好淡定。

麥詩敏幾經努力終成為高級主播。

麥詩敏做咗新聞主播8年。

麥詩敏要兼顧做天氣女郎。

麥詩敏去年6月宣布離巢。

鏡頭以外。

着臭狐衫好難頂

至於主播服裝方面，Gloria指借出鏡衫時借到有味(臭狐)衫最難忘，後來變成平常事：「所以後期我用公司嘅服裝津貼淘啲平價私伙衫，𠵱家唔同顏色嘅戰衣累積過百件，堆滿衣櫃。」說到恐怖經歷，試過凌晨收工回家，喺屋企樓下竟有中年男Fans等她：「佢好清楚我嘅更表；有晚我收10點，佢就喺港鐵站等我，跟埋轉小巴，嚇到要急Call爸爸去附近快餐店接我；亦曾有寫住『麥小姐』嘅電話殼、湯券等禮物放喺住所樓層𨋢口。」她又自揭最爆的，8年來收過逾百個性騷擾訊息：「原來外間對主播充滿著遐想及迷思，變態留言有『好想X你、』『幾時着黑絲？』甚至會有自拍全身，有埋性器官大特寫相，我都見怪不怪唔，又唔係喺我面前祼露咪由佢囉，我會當笑話咁同男未婚夫分享。」

可能洗得唔乾淨，Gloria借過有味衫。

及後Gloria添置大量私伙戰衣。

𠵱家唔同顏色嘅戰衣累積過百件，堆滿衣櫃。

綠色只有五套。

白色衫麥詩敏也有不少。

大時大節時穿著紅色系列。

麥詩敏指藍色有Chroma key問題。

麥詩敏總共有71套西裝褸。

想同阿佘做「主播」

另外，Gloria希望效發師姐方健儀嘅成就：「我好崇拜呢位師姐，細細個就有留意佢報新聞；至於現職嘅前輩方東昇既有才華個人又Nice，佢好肯提點後輩。」對於「新聞女王」佘詩曼，Gloria大讚阿佘演到真嘅一樣，入型入格好有霸氣。她建議《新聞女王2》可以加啲主播、記者出Trip採訪環節，令內容更有真實感，她還笑住自抽：「都可以用『中東呼吸綜合症』食螺絲事件做題材，透視新人在通宵更勁大壓力一刻。」Gloria今年開始主持《健康關注組》，她想挑戰埋拍劇及綜藝節目，笑言可自薦客串拍《新聞女王2》，做返主播位最合適。