TVB《2024年度香港小姐競選》入圍15位佳麗已經順利誕生，日前 一眾佳麗們分組前往塞班島、菲律賓碧瑤、新加坡、內蒙古和香港進行拍攝外景。今日（25日）大會發放15位佳麗的官方造型照，並分別以最簡單黑、白背心上陣，展現最Pure最True 一面。！
相關閱讀：香港小姐2024丨秦冀雯盧凱怡鍾翠詩泳裝落水好養眼 師姐麥美恩出動「阿媽泳衣」搶fo
2024香港小姐競選丨15位佳麗官方造型照：
《2024香港小姐競選》15強佳麗分別是1號陳紫佟（Jessie）、2號倪樂琳（Ellyn）、3號王汛文（Candice）、4號謝淑怡（Zoie）、5號莊曉婷（Kimmy）、6號李曼思（Adria）、7號秦冀雯（Yvonne）、8號盧凱怡（Kerry）、9號陳甜甜（Rose）、10號吳芷靖（Clary）、11號梁嘉莹（Emily）、12號鍾翠詩（Tracy）、13號程姜月（Dolores）、14號楊梓瑤（Amina）與及15號俞可程（Kanis），大會今日發放15位候選佳麗的官方造型照，並分別以最簡單黑、白背心上陣，展現最Pure最True 一面。
2號倪樂琳最愛瞓覺自爆係「長睡眠者」
近日大會陸續釋出以「2024香港小姐冠軍可能係…」為主題的宣傳片，15強佳麗模擬奪冠情境兼分享性格特質。其中年紀最小、只有18歲的1號陳紫佟動作多多大擺可愛Pose，惟期間不慎弄跌頭上后冠，相當遴迍。有「城大李嘉欣」之稱的2號倪樂琳則自爆最愛瞓覺，更腦筋急轉彎地以此勸勉香港人要多放鬆：「我係長睡眠者，中學時候試過連續瞓咗廿幾個鐘，我懶嘅呢個特質，可以鼓勵香港人勞逸結合。」12號鍾翠詩則指自己是一名勇敢女生自信十足謂：「我覺得自己好勇敢同埋自信，可以代表香港作為親善大使宣揚香港，展示香港嘅美。」
14號楊梓瑤身形備受關注
有「翻版蔡潔」之稱的13號姜程月，則自覺特質是親和力和抗壓力：「我有親和力可以拉近同觀眾嘅距離，同埋覺得自己有比較大嘅抗壓能力。」被指撞樣Race@2R的9號陳甜甜自我介紹環節則展現了烈女的特質：「我覺得自己膽大心細、有愛心，人生中會遇到好多困難，但我從來唔會退縮，我覺得呢啲困難都係可以成就到我。」至於參選以來以高身形備受關注的14號楊梓瑤，透露想做演員竟全因劉亦菲：「我2021年睇電視見到劉亦菲，嗰陣時起我就好想做演員，好多謝媽媽好支持我。」
15位佳麗模擬奪冠情境兼分享性格特質：
15號俞可程毅力驚人2個月激減14磅
在自我介紹環節上，同樣出現令人感動的畫面，毅力及意志力驚人的15號俞可程，為了以更佳姿態參選港姐，事前進行了地獄式減肥：「我喺2個月減咗14磅，雖然好辛苦，但我性格係一決定咗就要做，即使結果點樣都好，努力咗就好足夠。」與此同時，外屬於「閱歷型」的佳麗，分別有7號秦冀雯和8號盧凱怡，7號秦冀雯來自南京，靠着自學講得一口流利廣東話，非常叻女，她亦自認自己十分獨立：「我細細個就出咗去讀書，所有嘢都係靠自己去解決，過程中不斷咁成長，變得更加成熟同堅強。」而擅長國標舞的8號盧凱怡，則坦言喜歡在舞台上發熱發亮：「我一直以嚟都好有自信，上到台時好少會去擔心同驚，好享受舞台上嘅感覺。」
其他文章：
香港小姐2024丨莊曉婷李曼思俞可程變身內蒙古美女 何沛珈水土不服獲佳麗照顧
香港小姐2024丨26歲謝淑怡真係鋼琴家？碩士出身畢業曾獲最高榮譽鋼琴紀念獎 出國比賽屢獲殊榮
香港小姐2024丨莊曉婷李曼思俞可程準備禦寒衣物到內蒙古 陳甜甜梁嘉莹楊梓瑤留港體驗道地生活 15位佳麗兵分5路拍外景
香港小姐2024丨10號吳芷靖黑歷史曝光？性感內衣照尺度驚人 揸煙手勢純熟疑是煙民：只不過XX
香港小姐2024丨25位初步入圍佳麗「城大李嘉欣」倪樂琳成大熱 18歲陳紫佟代前港姐媽媽圓夢
香港小姐2024丨盧凱怡是國標舞世界排名前3位選手 高妹楊梓瑤能操6種語言
