由貿發局主辦的第34屆美食博覽周四起（15日）起一連五日在灣仔會展舉行，今日（18日）下午有大批市民及遊客入場，場外一度需排隊進場，場內亦人山人海，惟有展商指今年「旺丁不旺財」。
人均消費「今年只得100至200元」
主營甜品的商戶蕭先生表示，今年銷情較往年減少四成，另一負責人張小姐在一旁補充「可能唔止四成，有一半添」。但二人稱適逢周末，人流比前兩日多，氣氛頗為熱鬧，惟「旺丁不旺財」，張表示「往年每位顧客人均消費約400元，但今年只得100至200元」。參觀者購買力有所下降，二人認為主要原因在於「政府對商家嘅補貼同支持少咗」，以及美食博覽的宣傳力度不足。
乾貨展商王小姐嘆今年銷情「極之差」，稱「啲人入嚟食免費嘢，唔捨得使錢，今年檔檔都話難做」，雖然人流不差，與往年相若，但銷情卻比去年「少一倍都唔止」。她認為北上消費有影響銷情，「佢地話齋，北上啲嘢賣得幾平」，加上市道不景，「經濟差，乜都跌，啲人咪唔捨得使錢」，導致入場人士購買力下降。她直言今日是銷情最差的一日，「啲人直程唔買嘢，好似純粹入嚟行吓」。更無奈慨嘆「個個都怕咗做展，辛苦得嚟冇錢賺，仲要貼錢做」。
日式食品攤位：銷情不俗
不過亦有展商稱銷情樂觀，主營日本食品的攤位負責人朱小姐表示，今年銷情不錯，較去年好，不少特價套餐比預期早售罄，認為原因在於「香港市民應該會想搵品質高少少嘅產品」。她稱，攤位人流非常好，甚至造成擠迫，比去年多人。她相信是因天雨影響，有不少家庭將室外活動轉為室內活動，以及各展商都有促銷，貿發局也推出入場優惠，成功吸引更多顧客入場。問及北上消費熱潮是否有影響銷情，她表示，顧客群需求不同，對自身影響不大，「如市民想要健康、有品質及信心保證，可能會係香港買，北上消費嘅顧客可能覺得深圳抵啲，貪平少少」。
經濟不景 唔買鮑魚花膠
不少市民帶備買菜車、行李箱到場購物。市民柳小姐便購買了足足一車食品及日用品。她表示往年也有入場參與美食博覽，今年消費與往年相若，目前已購買千餘元，打算「行多陣」，預計花費二千元左右。她認為美食博覽的優勢在於「夠集中」，「去一個地方都已經可以買到好多嘢，比較方便，都係抵嘅」。她稱，雖然自己不喜北上，但見部分產品比內地貴，可能入場者「未必肯花錢」。近日亦受天雨影響，她表示幸好下午停雨，「如果落雨我都未必嚟，因為如果又攞住把遮，又拖車仔，好唔方便」。
劉小姐帶備環保袋入場購物，目前已消費400餘元購買餅乾、芝麻糊等食品，預計會花費600元左右。她去年亦有入場美食博覽，表示今年消費有所下降，沒有購買花膠及鮑魚，因「都幾重，攞唔到咁多」，以及因經濟不景，「買少咗嘢」。但她認為今年人流較去年多，稱「平時我嚟都冇咁逼，今年好逼」。
記者 李麗蕊
