8月28日，部份時間有陽光，日間天氣極端酷熱，稍後有幾陣驟雨及狂風雷雷，局部地區有時雨勢頗大。美股隔晚表現反覆，三大指數最終仍上升，道指更連續第二日再創收市新高。道指雖然一度下跌，但收市收復失地，微升9點，報41250；標指升8點或0.16%，報5625；納指則升29點或0.16%，報17754。

9月減半厘機會大減

重磅股中，蘋果公司宣布財務總監將調任，股價一度跌1%，收市倒升0.4%；亞馬遜回落1.4%，為表現最差道指成份股；Nvidia於周三收市後公布季績，股價倒升1.5%。Tesla跌1.9%，公司長期投資者Ross Gerber表示，已沽出約一半持股，認為市場對Tesla嘅電動車或機械人已無之前咁有興趣；小鵬汽車(9868)新款車型MONA M03售價由11.98萬元人民幣起，較Tesla最便宜嘅中國銷Model 3售價23.19萬元人民幣低近半，市場估計小鵬或能搶佔平價電動車市場，於美國市嗰邊升6.5%。美國電腦主機生產商超微電腦(Super Micro Computer)遭沽空機構Hindenburg Research狙擊，股價一度急跌8.7%，收市跌幅收窄至2.6%。億萬富豪Edgar Bronfman Jr放棄競購派拉蒙環球Paramount Global，派拉蒙股價應聲跌7.2%。Wolfe Research首席市場策略員Chris Senyek表示，喺9月6日美國就業報告出爐之前，Nvidia業績或成為市場短期走軟原因，雖然佢對大市前景樂觀，但認為市場風險短期傾向下行。

美國8月份消費信心指數由7月的101.9攀至103.3，創半年高，並優於預期的100.7。之前市場預計9月聯儲局或減息0.5厘嘅機會率大減，美國10年期債息最多升5.8個基點，至3.875厘。三藩市聯儲銀行總裁Mary Daly早前接受彭博電視訪問時稱，現時係適當時候開始減息，官員應避免對就業市場造成損害，但拒絕就聯儲局9月減息0.5厘嘅機會置評。不過美滙指數一度跌0.34%，至100.51；日圓升0.42%，至143.92兌每美元，於亞洲市場已回升至144水平。

雖然拼多多業績後急跌三成後無力反彈，不過反映中概股嘅金龍指數則反彈近0.4%。美國9月減息已成定局，問題係減息幅度有幾大，美元持續走軟，有利亞太股市造好。昨日恒指再升至17879本月高位，收市報17874，升75點，成交額略增至919.2億港元。恒指昨日先低後高，先回補周一上升裂口後回升，100日線(17745)失而復得，並創8月高位，亦能接近全日高位收市。相反，A股昨日偏軟，並報收接近全月低位，港股相對表現強得多。

17800或有初步支持

明日期指結算，周五8月結，恆指本月暫錄得逾500點或3%升幅，本月首周見底後4周連升，本周或能維持升勢有望高收。雖然隔晚ADR及夜期略為回軟，預恒指低開，即市或於17800有初步支持，失守再向下回調百點，再考驗100日線，如能守穩，應唔會跌穿上日低位17624，而昨日高位不破今日繼續窄幅，上破則挑戰萬八關。

古天后