沙頭角分區時任指揮官陸振中涉非禮女下屬案，男督察今續作供，稱被告前年7月酒後堅持自己駕車離開，他和兩名同袍嘗試阻止，其間他試圖拔走被告車匙，卻遭被告咬傷手指、須縫上3針；督察稱不敢向現場調查警員坦白，因為他懼怕被告，「佢會唔會向我報復，佢會唔會濫用佢嘅權力，去對我前途作出影響」、「用佢嘅權力玩死我」，事件對男督察造成衝擊，他事後確診創傷後壓力症。下午續審。
督察稱陸振中酒後「非常不清醒」地逆線行車
督察蔡文浩供稱，2022年7月15日晚宴後，飲了酒的被告陸振中（43歲）準備駕車時，女警X曾登上被告私家車及嘗試勸阻被告，但被告當時非常不清醒，X處境很危險。蔡曾勸X下車，但被告叫到「你唔好理我哋呀」、「你走」，及後開車並逆線行駛。
勸阻陸酒駕反遭罵「你幫辦嚟咋!」
蔡稱「雖然我當時只係一個雷粒（督察），我有責任去保護X」，於是追上及「捉住被告架車」；後來被告停駛，X亦下了車。蔡曾用較緊張的語氣向被告勸說「阿Sir，你警司嚟㗎，你飲咗酒仲揸車?」但遭被告以粗言回罵，又說「關你X事呀！你幫辦（督察）嚟㗎咋！」。
X勸說不果被陸揮拳相向後發出慘叫
蔡稱當時X曾再次上車「喊住口」勸被告不要駕駛，X非常緊張和恐懼，蔡聽到X說「阿Sir你唔好揸車啦」，但被告卻用左手揮打X；蔡在庭上示範被告當時動作，即左手握拳向左外方揮動數次，蔡指當時聽到X大聲慘叫。
督察欲拔掉車匙被陸咬手指致出血
因為勸阻被告不果，蔡稱他嘗試拔出被告車匙，他上身伸進被告私家車內，試圖接觸被告車匙，但被告情緒激動，被告用右手抓住蔡的左手，「用左手擊中我個嘴……再用左手拉我嘅右手，拉入佢個嘴度，大力咬咗下」 ，蔡稱當時感到「一陣好強烈嘅刺痛」，他下意識後退「回過神嚟之後，望到右手中指鮮血不斷咁流緊出嚟」。
恐懼焦慮下致電要求增援
蔡稱自己當時非常恐懼和焦慮，不懂如何處理，及後致電相熟的女警署警長求救「我俾個警司咬傷咗，佢仲發緊酒癲……快啲揾人過嚟幫手」。後來蔡沿路走到停車場出口，當時有途人報警，救護車亦到場，蔡在救護車上接受急救。
相關新聞：
警司陸振中涉非禮女下屬案 男督察稱陸三度單獨扶醉酒事主去廁所「有啲奇怪」
警司陸振中涉非禮女下屬案 事主前男友供稱拍拖5年間無性接觸 現男友得悉她遭非禮「想保護佢」
警司陸振中涉非禮女下屬 辯方稱女事主曾讚陸是好男人「如果你做我男朋友就好啦」
警司陸振中涉非禮襲擊女警案 辯方指女警向被告披露違紀 包括隱瞞同袍缺勤 禁區內划獨木舟等
警司陸振中涉逼女下屬口交 事主供稱陸權力很大 「可以話係山寨王」
怕遭陸濫權「玩死」當場不敢講真相
蔡承認他當晚沒有向到場調查的軍裝警員講述案發過程，他解釋「我好懼怕，如果我當時當刻指證咗佢，佢會唔會向我報復，佢會唔會濫用佢嘅權力，去對我前途作出影響」，所以當時以「車門夾親」這個理由應付提問，「當其時被告高我兩級……佢係一個憲位級警務人員，成個分區嚟講，佢係最大嗰個」，「我好擔心，當其時佢會係用佢嘅權力玩死我」。
傷口縫3針事後診斷患創傷後壓力症
蔡稱當晚回家路上，手指傷口仍滲血，遂前往急症室求診，最終須縫3針及獲發7天病假，他事後亦求診物理治療、職業治療及政府心理治療；蔡指「呢件事對我嘅衝擊真係好大」，他至今仍須定期見警察心理服務科、以抒緩焦慮和抑鬱，政府心理專家亦認為他患上創傷後壓力症。翌日被告曾發訊息給蔡，但蔡稱他不敢接觸和回覆。
盤問下同意6.22飯局後未聞X有投訴或埋怨
辯方盤問下，蔡同意X在前年6月22日飯局上大部分時間都比較醉，而蔡事後亦沒有印象聽說X有投訴或埋怨；蔡稱他在同年7月15日仍對當晚發生的事件不知情，雖然當時對被告和X一起去廁所感到奇怪，但沒有刻意聯想到被告對X作出不利行為。
甚少見上級接送下屬
辯方另向蔡問到，是否認識警署警長劉澤基。蔡表示認識。辯方續指，劉澤基亦有載女同事往返警署。蔡稱不知道，但甚少見上級接載下級。
陸振中7.15晚宴上醉酒但拒下屬送回家
辯方問到，蔡在7月15日晚宴上有否留意被告。蔡稱有，因為他負責安排晚宴，而被告與他同桌，他亦擔心被告不滿意安排，故特別留意被告。蔡堅稱，當晚察覺被告喝醉後，曾就送被告回家一事詢問被告意見，但被告當時已經無法正常回應；蔡又稱曾詢問被告要否乘的士回警署，因為其房間內有浴室和沙發，可作休息之用，但被告仍拒絕。
案件編號：DCCC137/2023
法庭記者：王仁昌
