紅魔戰將企位未如理想，料會以防守行先。Reuters

英超第3輪，矚目戲碼「雙紅會」，曼聯主場迎戰利物浦。

紅魔近兩戰1勝1負，轉會窗雖然針對性購入多位球員，但領隊坦哈格連續兩場英超賽事中，令人摸不着頭腦，將進攻中場般奴費南迪斯放至前鋒位置，作為「假9」，以解決同另一位中場美臣蒙特共存嘅問題；但問題不但未有解決，更令到前線嘅攻擊力大打折扣；上場面對白禮頓，兩閘位置被打穿，防守傳中波時，球員企位亦未如理想，今場面對紅軍，料會以防守行先。

利物浦開季氣勢如虹，新帥史洛特的戰術風格亦有一套，比以往更為多控球在腳、後場搓傳，令球隊嘅體力消耗減少，兩場英超賽事分別贏咗葉士域治同賓福特，全取6分並一球不失，前線三叉戟迪亞高祖達、路易斯迪亞斯以及穆罕默德沙拿都有波入，狀態頗佳，相信今場作客奧脫福，至少拎到1分。