今日(3日)，藍奕邦、周殷廷、ANSONBEAN及女友張天穎等到鰂魚涌出席同志活動記者會，藍奕邦在台上大爆，之前仍屬環球唱片，但唱片公司不批准，故不能為該活動擔任大使。藍奕邦受訪時透露當年是2014年，唔會特別嬲，因明白那個年代的公司立場，現時能做到就可以，問到當年還有什麼不能做？藍奕邦說：「都走咗，據知環球而家都大換血，大家都各散東西，（會唔會有機會簽返環球？）唔會，佢哋唔會要我，我自己都做咗獨立歌手3年，今年適逢自己出道20周年，下半年都會有啲嘢搞，不過而家賣關子先。」他又很高興重遇曾經同公司的周殷廷，更大讚對方是一個勤力又有規律的歌手。
藍奕邦在台上大爆，曾被環球唱片公司禁止擔任同志活動大使
藍奕邦話唔會特別嬲，因明白那個年代的公司立場。
周殷廷就突然透露上年8月已跟環球完約，但大家仍然保持良好關係，經常與高層有溝通，而公司亦很開明：「聽到藍奕邦講當年唔畀佢做大使，我笑到碌地，因為環球今日畀我嚟。」他指現在與環球是靠「信」字來合作，早前出完新歌及開show後他們也重新傾談合約，現時與環球仍然關係良好，續約也會以環球為優先，故沒有跟其他唱片公司傾談：「覺得做人要有道義，若果傾唔成先會接觸其他公司。」他笑言傾約時也獅子開大口：「我要求要10億，公司當然希望員工收零酬勞，所以大家傾嘅時候要公道。」
周殷廷突然透露上年8月已跟環球完約。
他稱現時與環球仍然關係良好，續約也會以環球為優先
