高爾彭馬現時已是車路士核心人物。REUTERS
自夏薩特離開後，車路士一路都搵唔到星級球員取代佢嘅位置，經歷過幾個有得有失嘅球季，今季新帥上任，高爾彭馬已經係球隊嘅掌舵人。
彭馬上季嘅表現可以用震驚嚟形容，基本上係靠晒佢孭飛，最穩陣嘅12碼劊子手，對曼聯嘅絕殺及對愛華頓嘅帽子戲法等，依然記憶猶新，佢亦贏得英超賽會及PFA最佳年輕球員，甚至有啲球迷覺得佢係上季最佳嘅英超球員，經歷完上季同歐國盃之後，究竟佢有無回落到呢？
睇嚟係無，一個好嘅球員就係無論咩體系咩教練，都係圍住佢轉，有能力適應到，彭馬正正就係咁，頭3場聯賽已經有1入球4助攻，核心係可以同時帶動身邊嘅球員表現一齊提升，馬度基對狼隊戴嘅帽，受惠於彭馬幫佢引開咗好多防守球員，後者依然有能力穿針引線，真係好全能。
而一個傳奇就係可以一手一腳將球隊拉上一個新嘅高度，彭馬係時候真係要擔大旗做大佬，今季就係考驗佢「揸車」嘅能力，全世界都知道要睇實你，佢仲有無魔法可以將球隊更上一層樓？Willhappy
