余香凝與倪晨曦今日（10日）以黑白雙煞性感造型現身珠寶店開幕，余香凝笑言今日罕有地性感，而且較出席金像獎時更性感，她表示因為這條裙好襯身上的飾物，所以揀嚟著，覺得性感又高貴。她又謂現時118磅，未結婚前最高峰是138磅：「fit過以前，可能生完之後體質變咗，以前容易肥，好辛苦，要食烚蛋雞胸先至瘦少少，而家可以照食飯，可能攰又要湊小朋友又要做嘢，有時抱住十幾磅嘅仔仔玩飛高高，抱住佢舉下舉下咁，舉到着呢條裙，背脊都有線條。」問到會否幫本月16日1歲生日的細仔開party慶祝，余香凝稱因為太忙，只會在家中食飯吹蠟燭，不過她笑指被同事話「大細超」：「會諗好多嘢同女仔打扮，但男仔就好似好悶咁，今日嚟到呢度，都可以諗第時阿女結婚時可以買畀佢，但睇到呢啲（飾物）唔會諗起個仔嘛。」
余香凝與倪晨曦今日以黑白雙煞性感造型現身珠寶店開幕。
余香凝謂現時118磅，未結婚前最高峰是138磅，Fit過做女嗰陣。
要食佢話以以食烚蛋雞胸先至瘦少少，而家可以照食飯。
余香凝抱住十幾磅嘅仔仔玩「飛高高」，抱到著呢條裙，背脊都有線條。
余香凝透露稍後將與電影《骨妹》導演徐欣羨相隔8年再合作，11月更會離開香港個多月拍戲，她表示心情緊張又興奮，因為冇試過離開小朋友咁耐，但幸好去的地方比較近，可能在週末的時候會叫老公帶女兒去探她，問到女兒會否不捨得她，她相信女兒會應付到，到時也會畀貼紙女兒貼，讓她能倒數自己回來的日子，亦有很多家人跟她玩，應該沒問題。
余香凝11月將離港拍戲，首次離開小朋友咁耐。
提到古天樂將舉辦School Tour關注學生情緒，身為家長的余香凝也很想參與，她指現時無論小朋友與大人的壓力也很大，所以也希望能跟老闆一起到學校分享：「有啲演員讀書未必好叻，但都搵到自己嘅夢想，我都希望可以分享自己嘅經歷。」她又自言不是虎媽，會讓仔女去學他們有興趣的事物，但不會為了比賽或成績去學，因為她認為學習最重要是開心。
