有「炒機天堂」之稱的旺角先達廣場，每次iPhone 有新系列推出都會出現放機人潮。但隨著2014年iPhone 6 及2017年iPhone 8「炒燶」事件以及受大環境影響，先達這塊電話「英雄地」沉寂多時，有先達舖位在今年4月賣出時，業主勁蝕640萬元。iPhone 16系列昨日（21日）開賣，排隊放機的炒家一度排出門口，先達好像重回昔日光輝。究竟先達是否「成也iPhone敗也iPhone」？《星島頭條》分別訪問兩位屹立多年的先達商戶Simon及Steve，分析先達興衰。
「以前啲人有閒錢 會買部機或第三部機嚟玩」
在先達經營多年的Steve表示，受大環境因素及經濟問題，香港市道差，且手機性能過剩，普遍客人一部機用3年也不會覺得變慢，只有那些喜歡玩數碼產品的客才會每年換機，以炒賣情況而言，其實今年已比去年更冷清。
Steve直言今時今日在先達生意難做，「生存到，但係搵唔到錢」，即使業主凍租也對生意無幫助，因為人流和大環境因素不變，肯花錢的人減少。Steve笑言以前人們手持一部主手機，「有閒錢會買部副機或第三部機嚟玩」，但現時真的有工作需求才會買副機，「少咗人晒錢買部機玩一排就放返出嚟」，而喜歡玩電子產品的人亦是少了很多，相信也回不到當初境況。
相關新聞：
iPhone 16先達直擊｜放機人潮排出門口 Pro Max價錢高企 Pro細機變「蟹貨」 一款容量停收
iPhone 16開賣直擊｜銅鑼灣Apple Store外百人排隊取機 排頭位「自用」4點半到場輪候
▼iPhone16系列開賣時先達人頭湧湧▼
客人買電話愛睇實物 有問題難線上解答
被問到會否擔心如其他商場般變「死場」，Steve則表示不擔心，認為先達始終是地標，有些人買電話喜歡看實物，不能靠網站買完郵寄送貨便算。手機功有功能、軟件、資料等問題，「有時好難靠線上解答，你要親身落嚟我先教到你。」 不過他也坦言資訊發達，買大牌子手機已會協助客人做基本資料轉移，因此需求確實有下降。
Steve亦指內地品牌手機「平啲、款式又多啲」，例如一些款式僅在內地有售，或者同一價錢內地版本的容量又會較港版行貨多，故有些消費者會北上購買。他舉例指受港人歡迎的內地品牌如Vivo、Oppo及小米的大摺機等均無在香港推出，相信與來港後定價未必如內地定價般吸引有關。
「先達企喺潮流尖端 要執嘅舖一早執晒」
對前景充滿信心的，還有在先達開業多年的商戶Simon。他笑言「我哋係潮流嘅尖端嚟㗎，要執嘅兩三年前已經執晒啦」。他指2019年之前「執得仲多過而家」 ，認為當年炒iPhone熱潮衰退時，一批靠炒賣iPhone維生的商戶「嗰陣已經執咗離開」。他表示「留得低嘅人」都是靠本身有提供專業服務，舉例即使iPhone也不一定要靠炒賣，每日本身也有交易。
相關新聞：iPhone 16開賣直擊｜銅鑼灣店外成「交易現場」 ProMax一部賺$2500 收機佬嘆經濟差內地需求減
Simon舉例指自己店也有售內地品牌手機，指它們進步很大，市場認受性近年亦大增，笑言香港地、選擇多，「萬幾蚊唔一定要買iPhone」。他指店舖由於是用生意渠道整批手機入貨，很多熱門型號的售價甚至比內地買更平。舉例指港人愛用內地摺機，香港代理並無推出，只能透過水貨渠道購買。
見證着先達以前百花齊放、炒iPhone「墟冚」情境不再，先達會否再有「翻身」機會？Simon坦言「大上暫時睇唔到啦」，穩穩定定當一門普通生意做，謹守崗位應該能生存下去。但要回到以前般，他則相信「要等一啲特別嘅機會」，直言「香港做生意都係靠自己諗辦法，無可能靠政府幫你」。
記者：陳俊豪
