張繼聰、蘇浩才今日（24日）出席山頂舉行的運動腕錶活動，熱愛運動的阿聰曾參加半馬馬拉松，跑出彪炳成績，但為免受傷，加上忙於拍戲要保留體能，故不打算挑戰全馬。談到香港影圈淡靜，來年港產賀歲片欠奉，阿聰也赴馬來西亞拍攝電影《做個有錢人》，他表示該片是馬來西亞賀歲片，飾演白手興家的拿督，是真人真事改編的勵志片，但不知道會否在香港上映。
張繼聰、蘇浩才今日出席山頂舉行的運動腕錶活動。
蘇浩才
對於有指他轉戰馬國，他說：「唔係轉戰，作為演員有好劇本就會做，但今年真係恐怖啲，收唔到風邊度開緊戲，香港真係好艱難。（有指呂爵安新片也延拍？）聽聞。艱難時期好多人正在組織劇本，我自己都搞緊劇本，係輕鬆浪漫愛情喜劇，希望有機會做導演。環境唔好更加要度好劇本，好嘅電影觀眾係會入場。」另外，談到太太謝安琪發表愛的宣言，阿聰喜言：「多謝佢嘅賞識，坦承講個事實，好開心，作為老公算係攞最大獎項，呢個訪問要裱起，證明用家收貨。」
阿聰為免受傷，故不打算挑戰全馬。
阿聰表示，香港影壇香港真係好艱難。
阿聰表示正度緊劇本。
阿聰將赴馬來西亞拍攝電影《做個有錢人》。
