臨近中秋，不少屋苑都擺放應節燈飾。不過有馬鞍山居民發現，一個居屋屋苑的中秋燈飾勁似帛事的紙紮公仔，引來大批街坊及網民熱議！

有網民在社交媒體Facebook上載圖片，顯示屋苑的草地擺放了兩個燈飾，包括一道以黃色及粉紅色作主色的橋，以及一個穿著中國傳統服裝的嫦娥公仔。不過樓主認為擺設激似紙紮公仔，形容是「同你喺大酒店做破地獄儀式見到嗰條金橋銀橋，加埋隔離嗰個紙紮妹仔係一模一樣」。

帖文一出，立即引來熱議，不少網民都對該個燈飾的設計表示不能理解，「邊個諗啲咁樣嘅花燈」，更有人笑言「做白事定賀中秋？」、「有冇破地獄」、「欠過橋孟婆湯」、「有孟婆有奈何橋喎！」，亦有人笑言是上月農曆七月鬼節剩下的物資。

事後有居民在Facebook上傳將該些燈飾拼砌好的版本，只見嫦娥與兩隻玉兔已各就各位，氣氛就沒有之前那麼詭異了。

資料來源：Facebook