香港迪士尼樂園度假區陪住小編成長，樂園內唔同角落都充滿唔少浪漫溫馨嘅回憶。今年年頭，樂園經典節目「星夢奇緣」煙花表演完美謝幕，城堡亦開始華麗變身。期待見到城堡全新面貌嘅同時，小編帶大家一齊探索樂園5大夜間打卡熱點，發掘香港迪士尼入夜嘅好去處。

閃爆熱點: 「迪士尼光影匯」夜間巡遊

　　「迪士尼光影匯」夜間巡遊每晚喺美國小鎮大街上演，由超過74萬粒獨立LED燈組裝成嘅放閃花車吸睛程度當然十足，要影齊咁多架靚靚花車都影到手軟。相信當你見到心愛嘅迪士尼朋友著晒閃亮靚衫喺花車上載歌載舞，都會忍唔住即刻同身邊嘅朋友情人一齊跟住強勁嘅音樂跳下舞先! 透過光影技術、閃爍變幻嘅LED燈、音樂舞蹈同互動元素等等，「迪士尼光影匯」就令到觀眾有一個同日間截然不同嘅炫目體驗。巡遊陣容頂鼎盛，除咗迪士尼大明星米奇、米妮同佢幾位老友，仲有巴斯光年、胡迪、大眼仔、毛毛、奇妙仙子、艾利奧、貝兒同閃電王麥坤等陪住你盡情狂歡，一齊投入呢個光影新世界。

限定熱點: 全新「迪士尼新春巿集」

　　農曆新年加上迪士尼會有咩化學作用？今年香港迪士尼首次舉行嘅「新春巿集」，每晚6點美國小鎮大街至廣場就會變身成既熱鬧又有香港地道色彩嘅特式市集，可以品嚐到多款加入迪士尼元素嘅地道小食，有雞蛋仔、麥芽糖米奇多士、砵仔糕等，仲有好多獨家賀年精品，包括限量發售嘅新春福袋，會喺巿集亮相，米奇同一班迪士尼朋友仲會現身同賓客慶祝新春佳節，同場亦有氛圍表演，巿集由今日起去到3月4日。踏入狗年，除咗有財神高飛同布魯托化身成新春大使陪住大家過年，樂園仲會係大年初一到年初五向每位樂園遊客派番封全新設計狗年福氣利是，裡面仲有朱古力金幣同購物優惠券送添！

探幽熱點: 「迷離大宅」及「森林河流之旅」

　　迷離莊園以神秘見稱，夜晚神秘氣氛就更加濃烈。探索香港迪士尼樂園全球獨有嘅迷離大宅，坐上無軌電磁車參觀宅內細緻逼真嘅珍品，4D視覺特效更加令驚嚇度大增。如果講探幽之旅又點會少咗探險世界嘅森林河流之旅？同日間陽光普照生機處處嘅景象相比，晚間登上「森林河流之旅」破舊嘅探險船進行野外探幽，憑住河邊僅餘嘅火光係漆黑寂靜嘅河道上踏上冒險之旅，份外驚險刺激！

極速熱點:灰熊山礦車極速體驗

　　有咩好玩得過夜晚坐戶外過山車！灰熊山極速礦車要同一大班朋友玩先夠瘋狂盡興，走進灰熊山谷，挑戰入夜掏金嘅刺激﹗坐上「灰熊山極速礦車」衝上漆黑驚險嘅灰熊山，在微弱燈光中穿過一個個大小山洞， 四周漆黑嘅視覺效果配合極速體驗，同日間嘅體驗截然不同，加倍刺激。

浪漫旋轉熱點: 奇幻「瘋帽子旋轉杯」加「灰姑娘旋轉木馬」

　　當你不知不覺間進入咗愛麗斯夢遊仙境之中，坐上色彩繽紛嘅「瘋帽子旋轉杯」瘋狂旋轉，大人細路都開心到飄飄然，即刻錄低大家瘋狂嘅一刻先。而遠處就係充滿醉人嘅燈光「灰姑娘旋轉木馬」，呢度係不知有幾多人慕名而來做自拍背景，拍攝出來嘅夢幻光軌效果令灰姑娘旋轉木馬成為最受情侶歡迎嘅打卡勝地！

　　睇完咁多打卡熱點，係咪好想依家就立即起行去迪士尼由朝玩到晚呢？而家只要去POP 新聞 Facebook專頁，完成幾個簡單步驟，就有機會同朋友免費一齊去香港迪士尼樂園啦~ 想贏「香港迪士尼樂園」門票2張就立即按入玩遊戲啦 : https://goo.gl/75qrWk